Qumlama, boya və izolyasiya

Səthin hazırlanması və örtük işlərinin hansı ardıcıllıqla, kim tərəfindən və hansı nəzarətlə görüldüyü. Layihənin texniki tapşırığı və boya istehsalçısının texniki vərəqəsi (TDS) bu sənəddən üstün tutulur.

Məsuliyyətlər

Əsas avadanlıq

Qumlama aparatları, kompressorlar, hava quruducu və filtrlər, çoxçıxışlı hava kollektoru, yüksək təzyiqli su aparatı, airless boya nasosları, iskələ, işıqlandırma; nəzarət cihazları: qalınlıqölçən (DFT), rütubət və şeh nöqtəsi ölçən, səth termometri, profil ölçmə lenti, Bresle duz testi dəsti.

İşə başlamazdan əvvəl

1. Sifarişçidən iş icazəsi (permit to work) və sahənin təhvili alınır.
2. Toolbox talk keçirilir, JSA brigada ilə oxunur və imzalanır.
3. Ətraf avadanlıq, kabellər və həssas səthlər örtülüb qorunur.
4. Materialların partiya nömrələri və son istifadə tarixləri yoxlanılıb qeyd olunur.

Su ilə təmizləmə

1. Səth 250–300 bar təzyiqli şirin su ilə yuxarıdan aşağı yuyulur (LPFWW).
2. Yosun və möhkəm çöküntülər yüksək təzyiqli su ilə və ya mexaniki üsulla götürülür.
3. Səthdə duz miqdarı Bresle üsulu ilə ölçülür; həddən çox olarsa yuyulma təkrarlanır.
4. Səth qurudulur, qumlama və ya boyaya keçilir.

Abraziv qumlama

1. Abraziv quru, təmiz və tələb olunan ölçüdə olur; sıxılmış hava yağ və sudan təmizlənir.
2. Qumlama yalnız səth temperaturu şeh nöqtəsindən ən azı 3 °C yüksək və rütubət 85%-dən aşağı olduqda aparılır.
3. Səth layihədə göstərilən dərəcəyə (adətən Sa 2½) qədər təmizlənir.
4. Toz və abraziv qalıqları sorulur və ya təmiz quru hava ilə üfürülür.
5. Qumlanmış səth həmin növbədə, pas çıxmazdan əvvəl astarla örtülür.

Boya tətbiqi

1. Boya istehsalçının TDS-inə uyğun qarışdırılır, qarışıq nisbəti qeyd olunur.
2. Künclər, qaynaq yerləri və kənarlar əvvəlcə fırça ilə əlavə qat (stripe coat) alır.
3. Astar və üst qatlar airless püskürtmə ilə, çətin yerlər fırça və valiklə çəkilir.
4. Hər qatın yaş qalınlığı iş zamanı, quru qalınlığı (DFT) quruduqdan sonra ölçülür.
5. Növbəti qat yalnız TDS-də göstərilən quruma müddətindən sonra çəkilir.

Epoksi döşəmə

1. Beton ən azı 28 gün yaşda və quru olmalıdır; rütubət ölçülür.
2. Səth cilalanır və ya qumlanır, çatlar və boşluqlar epoksi məhlulu ilə doldurulur.
3. Epoksi astar çəkilir, ardınca özüyayılan və ya sürüşməyən qat tökülür.
4. Lazım olduqda nişanlama xətləri və poliuretan son qat çəkilir.

İskələ

1. İskələ yükə, hündürlüyə və iş növünə görə planlaşdırılır, lazım olduqda hesablama aparılır.
2. Təlimli iskələçilər tərəfindən quraşdırılır: dayaq lövhələri, məhəccər, ayaq lövhəsi, pilləkən.
3. Səlahiyyətli şəxs yoxlayır və yaşıl etiket asır; etiketsiz iskələyə çıxmaq qadağandır.
4. Hər növbədən əvvəl və pis havadan sonra yenidən yoxlanılır.
5. Dəyişiklik və sökmə yalnız iskələçilər tərəfindən, sahə hasarlanaraq aparılır.

Yanğına davamlı örtük (PFP)

1. Səth qumlanır və PFP sisteminə uyğun astarla örtülür.
2. Hər element üçün tələb olunan qalınlıq yanğın müqavimətinə (R30–R120) və profilə görə istehsalçının cədvəlindən götürülür.
3. Sement əsaslı və epoksi PFP-də lazım olduqda armatur toru bərkidilir.
4. Örtük püskürtmə ilə qatlarla çəkilir, yaş qalınlıq iş zamanı, quru qalınlıq quruduqdan sonra hər elementdə ölçülür.
5. Lazım olduqda üst qoruyucu qat çəkilir.

İzolyasiya

1. Səth təmizlənir, nasaz yerlər bərpa olunur.
2. Material istehsalçının tələbinə uyğun qatlarla çəkilir; birləşmə yerləri və keçidlər ayrıca möhkəmləndirilir.
3. Qalınlıq və bütövlük yoxlanılır, nəticə ITP-də qeyd olunur.

Təhvil

Sahə abraziv və tullantılardan təmizlənir. Sifarişçiyə ölçmə qeydləri, boya partiya nömrələri və fotolarla imzalı yekun hesabat təqdim edilir.

H (hold point): sifarişçi təsdiq etmədən növbəti mərhələyə keçilmir. W (witness): sifarişçi iştirak edə bilər. R: qeyd təqdim olunur.

Rəqəmlər ümumi təcrübədir; layihənin texniki tapşırığında başqa həddlər varsa, onlar tətbiq olunur.

“Caspian Shift Company” MMC üçün insanların sağlamlığı və təhlükəsizliyi işin həcmindən və müddətindən üstündür. Heç bir iş təhlükəsiz şəkildə görülə bilmirsə, o iş dayandırılır.

1. Azərbaycan Respublikasının əməyin mühafizəsi və ətraf mühit qanunvericiliyinə, sifarişçinin HSE tələblərinə əməl edirik.
2. Hər iş növü üçün riskləri əvvəlcədən qiymətləndirir, nəzarət tədbirlərini işdən əvvəl tətbiq edirik.
3. Bütün işçiləri fərdi qoruyucu vasitələrlə təmin edir və onlardan istifadəni tələb edirik.
4. İşçilərə mütəmadi təhlükəsizlik təlimi keçir, hər növbədən əvvəl toolbox talk aparırıq.
5. Hər işçinin təhlükəli işi dayandırmaq hüququ var (Stop Work Authority); bu hüquqdan istifadəyə görə heç kim cəzalandırılmır.
6. Bütün qəzaları, xəsarətləri və təhlükəli halları qeydə alır, araşdırır və təkrarlanmasının qarşısını alırıq.
7. Abraziv, boya və həlledici tullantılarını ayrıca yığır, qaydasına uyğun utilizasiyaya veririk.
8. Avadanlığı işlək və yoxlanılmış vəziyyətdə saxlayırıq.
9. Siyasəti ildə bir dəfə və ya ciddi hadisədən sonra yenidən nəzərdən keçiririk.

Direktor: Mövlayev Tural Zərbalı oğlu

Risk nəzarət tədbirlərindən əvvəl (ilkin) və sonra (qalıq) göstərilir. Qalıq riski “Yüksək” olan iş başlanmır. Cədvəl hər obyektdə yerində yenidən nəzərdən keçirilir.

İlk addım işi dayandırmaq, avadanlığı söndürmək və usta-brigadiri xəbərdar etməkdir. Obyektin öz fövqəladə hal planı varsa, o əsas götürülür.

Vahid xidmət 112 · təcili tibbi yardım 103 · yanğın 101 · layihə rəhbəri +994 55 256 99 88, +994 55 909 90 73